Maurizio Varratta

Lindur në Xhenova, Maurizio Varratta është diplomuar për arkitekturë në vitin 1981. Nga viti 1983 deri në vitin 1999 ka punuar me studion ‘Renzo Piano’.

Në vitin 1999 hapi studion e tij dhe filloi të marrë pjesë në shumë konkurse kombëtare dhe ndërkombëtare. Punimet e tij variojnë nga dizenjimi i objekteve të ndryshme si spitalet, zyrat, qëndrat e shërbimit, ura, hotele, stacione hekurudhore, aeroporte, qëndra tregëtare deri tek dizajni industrial (objektet e ndriçimit, pajisjet e tualeteve) dhe planifikimi i hapsirave.

Nga viti 1994 deri në vitin 1997 ka qenë profesor në universitetin Politeknik të Torinos, ku ka dhënë mësim mbi integrimin e arkitekturës dhe sistemeve të impianteve fizike.

Në vitet 2006-2007 ka qenë profesor në programin Master në Universitetin La Sapienza, Romë, në lëndën dizajn ndriçimi.

Në vitin 2015 ka qenë profesor në Universitetin Carleton, Otava, Kanada.

Studioja e tij ndjek zhvillimin e të gjithë procesit, nga dizajni i përgjithshëm deri tek detajet, ndërkohë kryen kërkime mbi risitë e reja teknologjike dhe industrializimin e komponentëve arkitekturorë.

Studioja ndjek parimet e dizajnit të integruar, ruajtjen e burimeve natyrore, cilësinë dhe kursimin e energjisë në përputhje me protokollet e ndryshme ndërkombëtare.