Tre maska të mëdha, dizenjuar për të interpretuar lirshëm objektet industriale dhe për të zgjeruar prezencën gati skenike të dorezave. Kështu doreza transformohet në diçka tjetër, duke fituar një ngjyrim metaforik që plotëson më së miri kuptimin e një kompanie dhe produkteve të saj.

Nëpërmjet një procesi që rikthen konceptin “të gatshme” ishte mjaft e lehtë t’ju jepje një përfytyrim tjetër këtyre objekteve të cilat çuditërisht të japin ndjesinë e një fytyre: një dorezë të jep idenë e një hunde, një tjetër të një buzëqeshjeje e kështu me rradhë. Qëllimi i projektit “Maskat” të prezantuar nga Giulio lacchetti është të krijojë një koleksion maskash që do t’ju besohen të gjithë dizenjuesëve të përfshirë në katalogun e Dnd. Tre maskat e para të prezantuara në panair kanë emër, si në Komedinë e Arteve ku çdo emër i referohej karakteristikave të ndryshme. Tre maskat e dizenjuara për Dnd quhen përkatësisht Dasiderio, Nitore dhe Dinamica që theksojnë dhe njëherë tre inicialet e emrit të kompanisë të cilat janë dhe vlerat e saj.